sábado, 10 de octubre de 2020

MAÑÁ, FESTA DOS REMEDIOS 2020

Vivimos tempos en que todo o que celebramos está condicionado polo Covid-19. Non deixamos de celebrar a festa dos Remedios, pero sempre con prudencia e responsabilidade, co que é importante ter en conta:

- O aforo

- As distancias

- O uso de máscara e de xel ao entrar e saír

- Atender á organización e seguir as súas indicacións,...

 





DEP MARÍA ROSA FERNÁNDEZ LUSTRES




Pai santo, Deus eterno e Todopoderoso, 
pedímosche por María Rosa.
Dálle a felicidade, a luz e a paz.

 Que, pasando pola morte, 
participe cos santos da luz eterna, 
como lle prometiches 
a Abraham e á súa descendencia.

Que a súa alma non sufra máis, 
e te  dignes resucitala cos santos 
o día da resurrección e a recompensa.

Perdóalle os seus pecados 
para que alcance xunto a Ti 
a vida inmortal no reino eterno.

Por Xesucristo, O teu Fillo, 
na unidade do Espírito Santo.

Amén.


 

jueves, 8 de octubre de 2020

DEP MARÍA CASTRO SAMPEDRO

 



TAMÉN NÓS IMOS POLA VIDA

Tamén nós imos pola vida coma os discípulos de Emaús:
pensando que a vida non ten sentido,
crendo que todo é negro, incapaces de ver cos nosos ollos
a claridade do día e as estrelas da noite;
coa tentación de crer que a dor é máis forte cá vida;
dicindo que isto non ten saída,
que non hai quen o amañe;
facéndonos demasiadas ilusións.

Señor, non poderías saír hoxe ao camiño 
e pasear connosco?, 
non poderías levantar a nosa esperanza,
quedar a comer e quentar o noso corazón frío; 
non poderías facer algo para descubrir a túa presenza? 
Non poderías repetir aquela escena de Emaús na nosa vida? 
Non poderías, Señor, non poderías... ?

Si, sabemos que podes... 
Quizá é que hoxe estamos coma daquela,
cos ollos mergullados na cegueira
e nubrados de tristura diante da dor que nos rodea.
Pero si, sabemos que podes....
Por iso, unha vez iluminados,
mantémonos á túa espera.




DEP SANTIAGO BLANCO FRIEIRO

 








El Señor es mi pastor, nada me falta.
en verdes praderas me hace recostar;
me conduce hacia fuentes tranquilas
y repara mis fuerzas;
me guía por el sendero justo,
por el honor de su nombre.

DEP MARÍA CARNOTA SANTOS


 Eu espero no Señor, a miña alma espera;

eu confío na súa palabra.

A miña alma vólvese ó Señor,

máis do que os vixías á aurora.

Se os vixías esperan a aurora,

que Israel espere ó Señor,

pois no Señor está o amor

e a redención cumprida.





viernes, 25 de septiembre de 2020

Preparando o comezo da CATEQUESE 2020-2021

    Son tempos difíciles nos que nos atopamos nunha nova situación, ante a que non sabemos moi ben como actuar. Tempos que non poden facer que perdamos de vista o que consideramos importante e central na nosa vida. A fe vén con nós a todas partes e máis se nos atopamos en dificultades. Seguindo as disposicións sanitarias, gardando todas as medidas e actuando con responsabilidade comezamos a catequese neste novo curso 2020-2021. As primeiras reunións que teremos serán cos pais dos nenos/as e mozos/as. Queremos actuar conxuntamente e ofrecer e buscar os apoios que precisamos, para que xuntos e coa axuda de Deus alcancemos  as metas que nos propoñemos. 







martes, 14 de julio de 2020

A VIRXE DO CARME, O MAR E OS MARIÑEIROS



𝗫𝗢𝗩𝗘𝗦 𝟭𝟲 𝗗𝗘 𝗫𝗨𝗟𝗟𝗢
𝗠𝗜𝗦𝗔 𝗦𝗢𝗟𝗘𝗠𝗡𝗘 
Á 𝗩𝗜𝗥𝗫𝗘 𝗗𝗢 𝗖𝗔𝗥𝗠𝗘 
Á𝗦 𝟮𝟬.𝟯𝟬𝗵
𝗛𝗢𝗠𝗘𝗡𝗔𝗫𝗘 𝗘 𝗥𝗘𝗖𝗢𝗥𝗗𝗢 
𝗔𝗢𝗦 𝗙𝗔𝗟𝗘𝗖𝗜𝗗𝗢𝗦 𝗡𝗢 𝗠𝗔𝗥. 

CUMPRIMOS COA TRADICIÓN 
DE BOTAR A COROA NO MAR.
UN SÓ BARCO FARAO EN NOME DE 
TODOS OS MARIÑEIROS, 
DE TODAS AS PERSOAS VINCULADAS AO MAR 
E DAS SÚAS FAMILIAS
NESTE ANO 2020. 









lunes, 25 de mayo de 2020

Rezamos por Marina Rodríguez Pillado


Estamos aquí porque te seguimos querendo, pero agora non sabemos que facer por ti. A nosa fe é pequena e débil. Confiámoste ao misterio da Bondade de Deus. El é para ti un lugar máis seguro que todo o que nós che podemos ofrecer. Se feliz. Deus quérete como nós non soubemos quererte. Deixámoste nas súas mans.”
(J.A. Pagola)

Temos presente na nosa oración a Manola Digna Fraile Barcia


Eu espero no Señor, a miña alma espera;
eu confío na súa palabra.
A miña alma vólvese ó Señor,
máis do que os vixías á aurora.
Se os vixías esperan a aurora,
que Israel espere ó Señor,
pois no Señor está o amor
e a redención cumprida.

jueves, 14 de mayo de 2020

Temos presente na oración a Emilio José García Sobrido


Deus de misercordia e amor, poñemos nas túas mans de Pai ao noso irmán Emilio. 
Sabemos pola fe que participa da alegría eterna que ti queres para todos. Ti que o creaches a imaxe túa e ámalo como fillo/a, fai que viva na felicidade do teu Reino onde esperamos atoparnos todos xuntos para sempre. Amén

Rezamos por María Vilas Basoco



Coa confianza de sabernos fillos de Deus, enconmendámola á súa misericordia e acompañamos á súa familia coa nosa oración.

domingo, 10 de mayo de 2020

DOMINGO V DE PASCUA



Primeira Lectura Feit 6, 1-7

LECTURA DO LIBRO DOS FEITOS DOS APÓSTOLOS

Escolleron sete varóns cheos do Espírito Santo

Por aqueles días, como ía medrando o número dos discípulos, orixinouse un descontento dos helenistas contra os hebreos, porque se desatendía ás viúvas de fala grega no servizo diario. Entón os Doce reuniron a asemblea dos discípulos e dixeron:
‑ Non está ben que deixemos a palabra de Deus para nos dedicarmos ao servizo das mesas.
Polo tanto, irmáns, escollede de entre vós sete homes de bo creto, cheos de Espírito e sabedoría, e poñerémolos para este oficio. Nosoutros continuaremos dedicados á oración e ao servizo da palabra.
A proposta gustou á asemblea, e elixiron a Estevo, home cheo de fe e do Espírito Santo, a Filipe e Prócoro, Nicanor, Timón, Pármenas e Nicolao, prosélito de Antioquía; presentáronllelos aos apóstolos, e, despois de orar, impuxéronlles as mans.
A palabra de Deus crecía, e medraba moito o número dos discípulos en Xerusalén e unha gran cantidade de sacerdotes aceptaban a fe.

Palabra do Señor R/. Grazas a Deus

SALMO RESPONSORIAL Sal 32, 1-2. 4-5. 18-19

R/. Veña a nós, Señor, a túa misericordia, como de ti o esperamos.

Alegrádevos, xustos, no Señor:
ós homes rectos acáelles loarte.
Festexade o Señor coa cítola,
tocade para el con arpa de dez cordas.

A palabra do Señor é recta
e todas as súas obras son leais:
el ama o dereito e a xustiza,
a súa misericordia enche a terra.

Os ollos do Señor están postos nos que o temen,
nos que esperan na súa misericordia,
para librar as súas vidas da morte,
para os manter no tempo da miseria.

Segunda Lectura 1 Pe 2, 4-9

LECTURA DA PRIMEIRA CARTA DO APÓSTOLO SAN PEDRO

Benqueridos irmáns:
Ó achegárdesvos ao Señor, pedra vivificadora ‑ de refugallo para os homes, pero pedra escollida e apreciada aos ollos de Deus ‑, sede tamén vós, coma pedras vivas, parte da construción do templo espiritual: para os cultos dun sacerdocio santo e para ofrecer sacrificios espirituais, aceptables a Deus por medio de Xesús Cristo. Por iso lese na Escritura:
Ollade que eu poño en Sión unha pedra angular, escollida e digna de honra, de xeito que quen confíe nela, non levará desengano.

A súa honra é para vós, os que credes, pero para os que non cren é a pedra que refugaron os canteiros e que se converteu en esquinal, e aínda máis: en pedra onde se tropeza, en couce onde un se esnafra.

Eles tropezan contra a Palabra, porque non lle fixeron caso: tropezar era o seu destino. Pero, en cambio, vós sodes raza escollida, sacerdocio de reis, nación santa, pobo adquirido por Deus, para pregoardes as marabillas daquel que vos chamou das tebras á súa luz admirable.


Palabra do Señor R/. Grazas a Deus




EVANXEO
LECTURA DO SANTO EVANXEO SEGUNDO XOÁN

Naquel tempo, díxolles Xesús aos seus discípulos:
- Non vos agoniedes: crede en Deus e mais crede en min. Na casa do meu Pai hai moitas moradas; doutro xeito, teríavos dito que vos ía arranxar un lugar? E cando vaia e vos arranxe un lugar, volverei e collereivos comigo, para que, onde estea eu, esteades tamén vós. E a onde eu vou, vós ben sabedes o camiño.

Dille Tomé:
‑ Señor, se non sabemos onde vas, como imos saber o camiño?

Xesús respondeulle:
‑ Eu son o camiño, a verdade e a vida: ninguén chega onda o Pai máis ca por min. Se me coñecésedes, coñeceriades tamén a meu Pai; aínda que xa desde agora o coñecedes e o tedes visto.

Filipe díxolle:
‑ Señor, móstranos o Pai e abóndanos.

Xesús replicoulle:
‑ Pero, Filipe, levo tanto tempo convosco e aínda non me coñeces? Quen me viu a min, viu o Pai. Como dis entón "móstranos o Pai"? Non cres que eu estou no Pai e o Pai en min? As palabras que eu vos digo non as falo pola miña conta; é o Pai, que permanece en min, quen fai as súas obras. Crédeme que eu estou no Pai e o Pai en min. Se non, polo menos crede por esas mesmas obras. Con toda verdade volo aseguro: quen cre en min fará el tamén as obras que eu fago, e faraas meirandes aínda, pois estou para irme onda o Pai.

Palabra do Señor R/. Loámoste, Cristo

ALELUIA Xn 14, 6

Aleluia, aleluia.

Eu son o camiño, a verdade e a vida, di o Señor;
ninguén chega onda o Pai máis ca por min.
Aleluia.



BREVE REFLEXIÓN

"Orixinouse un descontento dos helenistas contra os hebreos, porque se desatendía ás viúvas de fala grega no servizo diario"

É a Igrexa que está nacendo, e xa naquel entonces se atopan desencontros. A Igrexa de Xesús de todos os tempos está formada por homes e mulleres de carne e oso; "levamos ese tesouro en vasos de barro",como di San Paulo en IICor 4, 7. Perde o tempo quen busque unha igrexa perfecta, na que todos sexamos coherentes, serviciais, amables, santos. E ainda perde máis o tempo quen se sinta con autoridade para condenala polos pecados de quen a formamos. A santidade da Igrexa está e en quen a sostén: Xesús. El é o Camiño da santidade, Camiño que todos estamos invitados a recorrer e ao que temos que volver unha e mil veces a causa da nosa fraxilidade. Se na vida estás buscando o mellor camiño, Xesús é a mellor proposta: a súa vida, os seus xestos de amor e bondade, a súa morte, consecuencia de levar ata as últimas consecuencias o mandato do amor,... 

Unha Igrexa que ten que volver a Xesús continuamente, coa axuda de quen o mesmo Xesús escolleu para o servicio da comunidade, na Palabra, na caridade, ... Cando nos apartamos de Xesús- Camiño, verdade e vida- aparecen os desencontros. Cando buscamos que se cumplan os nosos criterios ou satisfacer as nosas necesidades sen máis; cando o egoísmo, o orgullo ou a indiferencia marcan as actitudes da nosa vida, a comunión rompe. E na Igrexa precisamos da axuda de quen fala e actúa en nome de Xesús e da docilidade ao Espírito. O evanxeo interpela a nosa vida e sinala con toda claridade que volver a mirada a Xesús comporta a necesidade dunha conversión, que enche de paz o corazón e que transforma a nosa realidade egoísta e orgullosa en xenerosa e humilde, e que crea lazos de comunión e igualdade entre irmáns.

Xesús no  evanxeo identifícase co Pai: "Se me coñecésedes, coñeceriades tamén a meu Pai". E nós estamos chamados a identificarnos con el, que mostrou o mellor rostro humano, o corazón máis xeneroso e entregado e a vida máis coherente e volcada no amor aos máis pobres, que hoxe identificamos nas viúvas da primeira lectura.

Alfonso Mera


viernes, 8 de mayo de 2020

DESESCALADA. CELEBRACIÓNS E MEDIDAS

Confiamos á misericordia de Deus a Mª Mercedes Graña Regueira





O Señor é a miña luz e salvación,
¿a quen hei de temer?
O Señor é o meu castelo,
¿ante quen hei de tremer?

Unha cousa pídolle ó Señor,
unha cousa procuro:
habitar na casa do Señor,
todos os días da vida,
para gozar da dozura do Señor,
visitando o seu templo.

jueves, 7 de mayo de 2020

Compartimos a dor da familia de María Luisa García Leira



El Señor es mi pastor, nada me falta:
en verdes praderas me hace recostar.
Me conduce hacia fuentes tranquilas y repara mis fuerzas;
me guía por el sendero justo, por el honor de su nombre.

Aunque camine por cariadas oscuras, nada temo,
porque tú vas conmigo: tu varo y tu cayado me sosiegan. Preparas una mesa ante mí, enfrente de mis enemigos; me unges la cabeza con perfume, y mi copa rebosa.

Tu bondad y tu misericordia me acompañan
todos los días de mi vida,
y habitaré en la casa del Señor por años sin término.

Gloria al Padre y el Hijo y al Espíritu Santo. Como era en el principio, ahora y siempre por los siglos de los siglos. Amén.