viernes, 3 de abril de 2020

Viernes de dolor


Nosa Señora das Dores


Acabamos a Coresma e damos comezo á Semana Santa, que en teoría comeza o Domingo de Ramos.
                Pero, hoxe, venres, queremos destacar unha persoa que se fiou de Deus e díxolle sí con todas as consecuencias: a Virxe María.
                Xesús, coma toda persoa, tivo unha familia e, como todos, unha nai. Chamábase María e sabemos dela o que contan os evanxeos: que era unha moza xudía que Deus elixiu para ser nai de Xesús. Unha nai, que coma moitas outras, saiulle un fillo rebelde que cuestionaba as normas tanto civís coma relixiosas do momento. María nunca abandonou ao seu fillo, que o tachaban de blasfemo. Vémolo en moitos momentos, coma nas vodas de caná, buscando a Xesús cando alguén se atopaba en apuros.
                Coma a moitas nais que teñen fillos (en moitos casos fillos enfermos, esclavos da droga, presos por delitos de roubo,…) e que a pesar da amargura, dolor e sufrimento seguen ao seu lado, axudando a levar a súa cruz, hoxe, nós, os crentes, recordamos a María, como modelo de todas as nais que ven sufrir, morrer ou teñen, no peor dos casos, que enterrar aos seu fillos. Ela chegou ata a Cruz e veu coma o seu Fillo inocente morría, dunha maneira que naquel momento era a peor. E El, o seu fillo querido, tivo un xesto desde a Cruz. Sinalando a Xoan díxolle: Nai, aí tés ao teu Fillo. Fillo, aí tés a túa Nai (en referencia a toda a humanidade).
                Por iso, María é nai da Igrexa crente, seguidora de Xesús. Ela, mellor que ninguén, entende a amargura que sentimos neste tempo de pandemia. Que María, como nas Vodas de Caná, fale co seu Fillo e lle diga: Fillo, non teñen[...], necesitan …


TERESA PÉREZ
Directora de Cáritas Parroquial de Riveira





No hay comentarios:

Publicar un comentario